NINNA NANNA DI NATALE

NINNA NANNA DI NATALE (Vincenzo Padula)

Dorma, billizza mia, dorma e riposa,
chiuda ‘a vuccuzza chi para ‘na rosa,
dorma squietatu, cà ti guardu iu,
zuccaru miu!
Dorma e chiuda l’occhiuzzu tunnu tunnu,
ca’ quannu duormi tu, dorma lu munnu;
dorma lu mari, dorma la timpesta,
dorma lu vientu, dorma la furesta.
U suonnu è jutu a còglieri jurilli,
pi fari ‘na curuna a ‘sti capilli,
e ‘sta vuccuzza ‘i milu cannameli,
t’unta c’u meli.
Cu n’acu mmanu, è jutu supr’a luna,
a cùsiri li stilli ad una ad una;
pua ti li minta ‘ncanna pi jannacca,
e cci l’attacca.